Ұлттық сараптама орталығының оқиғалар шежіресі

Қарағанды облысы бойынша ҚР ДСМ СЭБК «Ұлттық сараптама орталығы» ШЖҚ РМК филиалының базасында бактериологиялық зертханалардың мамандарына арналған «Жұқпалы ауруларды диагностикалаудағы серологиялық зерттеу әдістері» тақырыбында семинар өткізілді.

Семинарға Ұлттық сараптама орталығының барлық филиалдарының бактериологтары әріптестерімен зертханалық қызметке қатысты маңызды мәселелерді талқылау үшін келді.

Оқыту барысында теориялық негіздер қарастырылды және бактериялық инфекцияларды диагностикалау кезінде қолданылатын серологиялық реакцияларды қою бойынша практикалық дағдылар, оның ішінде экспресс әдістер пысықталды.

Семинарға қатысушылармен Қарағанды облысы бойынша ҰСО филиалының бактериологиялық зертханасының меңгерушісі, медицина ғылымдарының кандидаты, жоғары біліктілік санатты дәрігер Лобынцева Евгения Петровна өз тәжірибесімен және білімімен бөлісті.

Зертханалық процестер мен рәсімдердің өзекті талаптар мен қауіпсіздік стандарттарына сәйкестігін қамтамасыз ету жөніндегі іс-шараларды іске асыру шеңберінде Ұлттық сараптама орталығының орталық аппаратының базасында ҚР СТ ISO 15189-2023 «Медициналық зертханалар. Сапа мен құзыреттілікке қойылатын талаптар» тақырыбында семианар өткізілді.

Семинарға ҰСО барлық филиалдарынан сапа және қауіпсіздік бойынша 32 менеджер қатысты.

Семинар ұйымдастырушылары атап өткендей, менеджмент жүйелерінің талаптарына сәйкес оқыту филиалдарға стандарттың жаңа нұсқасына көшу жоспарын жүзеге асыруға және енгізілген менеджмент жүйесі шеңберінде оны кезең-кезеңімен жүзеге асыруға құқық береді.

Семинар аясында қатысушыларға практикалық тапсырмалар берілді, жаңа стандартты енгізу бойынша проблемалық мәселелер талқыланды және жалпы филиалдардағы менеджмент жүйелері бойынша сұрақтар талданды.

Оқыту барысында стандарт талаптарына, олардың құрылымы мен тәуекелдерді басқаруға, қызметкерлерге, үй-жайларға, жабдықтарға, зерттеу процестеріне және қызметтің басқа да тараптарына ерекше назар аударылды.

Семинар қорытындысы бойынша қатысушыларға курстан сәтті өткені туралы сертификаттар берілді.

ҚР ДСМ СЭБК «Ұлттық сараптама орталығы» ШЖҚ РМК-ның 2023 жылға арналған жоғары және орта білімі бар мамандарды үздіксіз кәсіптік оқыту бойынша күнтізбелік-тақырыптық жоспарына сәйкес, 2023 жылдың 16 мен 28 тамызы аралығында Қызылорда облысы бойынша филиалында «ЕАЭО ТР 044/2017 оралған ауыз суға және мемлекеттік тіркеуге жататын табиғи минералды суды қоса алғанда ғылыми есеп және сараптамалық қорытынды дайындау» тақырыбында республикалық семинар өтті.

Еуразиялық экономикалық одақтың «Қапталған ауыз судың, оның ішінде табиғи минералды судың қауіпсіздігі» туралы Техникалық регламентінің 044/2017 талабын орындау бойынша, минералды суға ғылыми баяндама мен сараптамалық қорытынды дайындау бойынша оқу өткізілді.

Сонымен қатар, семинар тыңдаушыларды минералды суды өндірудің технологиялық процесімен танысу мақсатында минералды суларды өндіретін мекемеге апарды.

ҚР ДСМ СЭБК «Ұлттық сараптама орталығы» ШЖҚ РМК үздіксіз кәсіптік білім берудің күнтізбелік-тақырыптық жоспары аясында 2022 жылғы 21-23 қыркүйек аралығында Ақтөбе қаласында Кәсіпорын филиалдарының дезинфекциялық бөлімдері мен дезинфекция орталықтарының мамандарына арналған «Инфекциялық және паразиттік аурулардың ошақтарында қорытынды дезинфекциялауды ұйымдастыру және жүргізу» тақырыбында семинар өтті.

Семинар оқытушысы Калитанова Алтынкүл Дүйсеғалиқызы Кәсіпорынның Орталық аппараты Өндірістік қызметі департаментінің ошақтық және профилактикалық дезинфекция, дезинсекция, дератизация жөніндегі маманы.

Семинарға қатысушылар дезинфекциялау ісі мәселелері бойынша өзекті нормативтік-құқықтық актілермен, құжаттардың есептік нысандарын жүргізумен танысты. Дезинфекциялық препараттарды, жабдықтарды, арнайы автокөліктерді, арнайы киімдерді, құрал-жабдықтарды және шығыс материалдарын сатып алуға өтінімдерді жасау және ресімдеу мәселелері талқыланды. Ошақтық дезинфекция, дезинсекция, дератизация жүргізу қызметтерін жоспарлау және оларды орындау мәселелері, дезинфекциялық препараттар шығыстарының нормалары жөнінде айтылды.

Алынған білім мамандарға кәсіби деңгейлерін арттыруға және дезинфекциялық іс-шараларды тиімді жүргізуге мүмкіндік береді.